Máskeýde Stalınniń nemeresi avtobýs aıaldamasynda kóz jumdy
ASTANA. QazAqparat - Máskeýde 81 jasqa qaraǵan shaǵynda keńestik kósem Iosıf Stalınniń nemeresi Evgenıı Djýgashvılı dúnıeden ozdy, dep habarlaıdy QazAqparat "Komsomolskaıa pravdaǵa" silteme jasap.
Evgenıı Djýgashvılıdi qoǵamdyq kólik aıaldamasynan tapqan. Anyqtalǵandaı, esinen tanyp qulaǵan er adam jedel járdem kóligi jetkenshe kóz jumǵan.
E.Djýgashvılı 1936 jyly 10 qańtarda Iosıf Stalınniń úlken uly ıAkov Djýgashvılıdiń otbasynda dúnıege kelgen. Áskerı ǵalym, sondaı-aq reseılik, grýzındik qoǵam jáne saıasat qaıratkeri bolǵan. Ol Reseı men Grýzııanyń azamattyǵyna ıe edi jáne Máskeý men Tbılısıde turǵan. Óziniń atasy Iosıf Stalınniń ar-namysyn qorǵaý maqsatynda sot protsesterine qatysýshy retinde keń tanymaldylyqqa ıe boldy. Sondaı-aq Stalın týraly birqatar fılmge tústi.
