Máskeýde Shyńǵys Aıtmatov atyndaǵy saıabaq ashylady
ASTANA. QazAqparat - Máskeýde Sh. Aıtmatov atyndaǵy saıabaq ashylady. Bul týraly dúısenbide KırTAG RF-daǵy Qyrǵyzstan elshiliginiń baspasóz qyzmetine silteme jasap habarlady.
«2015 jylǵy 26 qazanda Máskeý qalasynyń ákimdigi Reseı astanasynyń Danılov aýdanynda (Lıýsınovskaıa jáne Bolshaıa Serpýhovskaıa kósheleriniń qıylysynda) ornalasqan saıabaqqa Sh. Aıtmatov esimin berý týraly sheshim qabyldady», - delingen habarlamada.
Eske salsaq, 2015 jylǵy 2 qazanda Máskeý qalasy atqarýshy bılik organy ókilderimen bolǵan jumys kezdesýi barysynda RF-daǵy QR tótenshe jáne ókiletti elshisi Bolat Júnisov Máskeý úkimetine Sh. Aıtmatov atyndaǵy saıabaq ashý múmkindigin qaraý jóninde resmı ótinish bildirgen bolatyn.
