Máskeýde Sberbankke shabýyl jasaldy
ASTANA. QazAqparat - Máskeýdiń ońtústik-shyǵys bóligindegi Sberbank bólimine belgisiz bireý basyp kirdi. Travmatıkalyq tapanshamen qarýlanǵan qylmysker bank qyzmetkerin atyp, kassadaǵy aqshany sypyryp ketken.
Volgograd dańǵyly, 91 úı mekenjaıynda ornalasqan Sberbank qosymsha keńsesiniń 24 jastaǵy kassıri Sklıfosovskıı ǴZI-ǵa jetkizildi, dep habarlady TASS. Oq onyń jaýyrynyna tıgen. Jaǵdaıyn dárigerler ortasha aýyr dep baǵalady.
Bank 28 tamyzda shamamen keshki saǵat 9-darda tonaldy. Urlanǵan somanyń qansha ekendigi ázirge anyqtala qoıǵan joq.
Bankte jedel tergeý toby jumys isteýde. Shabýyl jasaǵan adam izdestirilýde.
