Máskeýde sarapshylar Taıaý Shyǵys máselesin talqylady
Bir jarym saǵatqa sozylǵan pikirtalas barysynda sharaǵa qatysýshy qonaqtardyń saýaldaryna sarapshylar Taıaý Shyǵys problemasy men onyń ári qaraı damý úderisine baılanysty ózderiniń paıymdaryn usyndy.
Reseı ǵylym akademııasynyń professory, akademııanyń Shyǵystaný ınstıtýtynyń jetekshisi, M.V.Lomonosov atyndaǵy MMÝ-niń álemdik saıasattyń óńirlik problemalary kafedrasynyń meńgerýshisi, BUU-nyń Arnaıy ókiliniń Sırııa boıynsha keńesshisi Vıtalıı Naýmkın Sırııanyń bóliný qaýipi týyndaýy múmkindigin aıtty.
«Mundaı qaýip bar. Eger ol (jaǵdaıdyń álsireýi) uzaqqa sozylsa, eń bastysy olar syrtqy áserlerdiń yqpalynda bolatyn bolsa, onda árıne Sırııanyń bóliný qaýipi týyndaıdy. Alaıda jaǵdaıdyń bulaısha qalyptasqanyn eshkim de qalamaıdy»,-dedi sarapshy.
«Bul májbúrli shara bolatyn. Óıtkeni basqa eshkim qandaı da bir bastama usyna almady. Degenmen ol zorlyq-zombylyqty toqtatý rejımin qalyptastyrýda ońdy ról atqardy»,-dep qosty Naýmkın.
Sırııa boıynsha óziniń kózqarasyn RǴA-nyń Shyǵystaný ınstıtýtynyń Arab jáne Islam zertteýleri ortalyǵynyń bas jáne ǵylymı qyzmetkeri Irına Zvıagelskaıa da bildirdi.
«Azamattyq soǵys júrip jatyr. Ókinishmiz ba baqytymyz ba, ol jaǵy belgisiz, biraq qalyptasqan kózqaras qaıshylyqtaryn sheshýdiń jalǵyz joly - qazirgi bılikke qarsy kúresip jatqandarmen dıalog ornatý. Olar qandaı adamdar? Olar árıne, jaman adamdar. Sırııada meniń pikirimshe, jaqsy adamdar joq. Endeshe kimmen sóılesý kerek ?. Qalaı bolǵanda da báribir qarýlaryn tastatýǵa bolatyn, qandaı da bir kepildik bere alatyn adamdarmen sóılesý qajet bolady»,-dedi sarapashy.
«Jaǵdaıdyń álsireýi belgili bir adamdar tobynyń jekelegen aımaqtarda bılik ornatýyna jaǵdaı jasaýy múmkin be? Menińshe, bizge ondaǵy jaǵdaıdyń álsiregeni jón. Onda bir-birine qarsy turatyn áskerı kúshter bolmaýy kerek. Sonda ol jaqqa bitimgershilik kúshterdi engizýge múmkindik týady. Bul máseleni de talqylaýdamyz. Biraq meniń oıymsha, bul taıaý arada qalyptasa qoıatyn jaǵdaı emes jáne olar jaqyn arada saıası uıymǵa aınala qoımaıdy»,-dedi ol.
