Máskeýde Rýblevskıı shossesinde toǵyz kólikti órtep jiberdi
ASTANA. QazAqparat - Máskeýde avtoturaqtardyń birinde qasaqana órtteý saldarynan toǵyz kólik otqa orandy. Bul týraly «Moskva» qalalyq jańalyqtar agenttigi quqyq qorǵaý organdaryndaǵy aqparat kózine silteme jasap habarlady.
Oqıǵa Rýblev estakadasynda 48 úıdiń mańynda oryn aldy. Qaskóı memlekettik nómirsiz bes sporttyq mashınany órttegen. Keıin ot jaqyn mańda turǵan tórt kólikke aýdy.
Jalyn 30 sharshy metr aýmaqty sharpydy. Qutqarýshylar segiz mınýttyń ishinde órtti aýyzdyqtady.
Máseleniń mán-jaıy anyqtalyp jatyr. Polıtsııa qaskóıdi izdestirýde.
