Máskeýde robottardy sertıfıkattaý júıesi engiziledi
ASTANA. KAZINFORM — Máskeýde robottardy ázirleý men synaqtan ótkizýdiń biryńǵaı standartyn qalyptastyrý kózdelip otyr. Jańa sertıfıkattaý júıesi tehnologııalyq kompanııalarǵa ónimderiniń sapasy men tehnıkalyq talaptarǵa sáıkestigin naryqqa shyǵar aldynda tekserýge múmkindik beredi, dep jazady reseılik TASS.
Tıisti kelisimge Peterbýrg halyqaralyq ekonomıkalyq forýmy (PHEF) aıasynda Máskeý ınnovatsııalyq klasteri men Reseı standarttaý ınstıýty arasynda qol qoıyldy.
Máskeý ınnovatsııalyq klasteriniń bas dırektory Alekseı Parabýchev robottandyrylǵan júıelerdi engizýge qyzyǵýshylyq artyp kele jatqanyn aıtty.
— Kompanııalar úshin ázirlemeniń standarttarǵa saı bolýy, synaqtan ótýi jáne onyń tıimdiligi resmı túrde rastalýy mańyzdy. Sertıfıkattaý júıesi robottardy ázirleýshilerge synaq hattamalary men tehnıkalyq múmkindikter týraly qorytyndy berýge múmkindik jasaıdy. Sonymen qatar robottardyń ózin de, olardyń jekelegen bólshekteri men fýnktsııalaryn da sertıfıkattaýǵa bolady, — dedi ol.
Kelisim aıasynda Reseı standarttaý ınstıtýty men Máskeý ınnovatsııalyq klasteri ázirleýshilerdiń qatysýymen ashyq kezdesýler ótkizedi.
Bul sharalar sertıfıkattaý júıesine qoıylatyn talaptar men usynystardy eskerýge múmkindik beredi.
Taraptardyń pikirinshe, jańa tetik tehnologııalyq kompanııalardyń óz ónimderin ekonomıkanyń naqty sektoryna jyldam engizýine jol ashady.
Jobanyń taǵy bir baǵyty — robottandyrylǵan jáne ushqyshsyz júıelerge arnalǵan zamanaýı standarttardy ázirleý.
Sondaı-aq qoldanystaǵy memlekettik standarttardy jetildirý jumystary júrgiziledi.
Jańa talaptar bıznestiń naqty suranystary men tehnologııalardyń damý deńgeıin eskere otyryp ázirlenedi.
Reseıde Peterbýrg halyqaralyq ekonomıkalyq forýmy ótip jatyr.
