Máskeýde RF Prezıdenti Vladımır Pýtınmen «tikeleı baılanys» ótip jatyr

Qabyldaýlyń ashylǵan sátinen bastap 4 kún ishinde memleket basshysynyń atyna telefon arqyly shamamen bir jarym mıllıon suraq, shamamen 300 myń suraq - sms arqyly, www.moskva-putinu.ru. ınternet-saıtyna - 188 myń saýal tústi. El jáne shetel azamattarynyń suraqtary «tikeleı baılanys» aıaqtalǵanǵa deıin qabyldanatyn bolady.

RF Prezıdentimen alǵashqy «tikeleı baılanys» 2001jyly ótken. Búgin V.Pýtınmen 11-shi tikeleı efır ótkizilip jatyr. Baılanys ortalyǵynyń málimetteri boıynsha, suraqtardyń negizgi bóligi áleýmettik-ekonomıkalyq salaǵa - densaýlyq saqtaý, bilim berý, TKSh jáne basqalarǵa qatysty. «Tikeleı baılanysta» V. Pýtın 2012 jylǵy mamyr aıynda qabyldanǵan jarlyqtarynyń jáne saılaýaldy baǵdarlamalarynyń oryndalý barysyna jalpy rıza ekendigin málimdedi.

Aımaqtardan alǵashqy saýaldar qatarynda RF Úkimeti jumysynyń tıimdiligi týraly másele kóterildi. V. Pýtın suraqtarǵa jaýap berip, bıliktiń barlyq deńgeılerinen talap qatań bolýy tıis ekenine erekshe kóńil bóldi, alaıda, jańa mınıstrler kabınetiniń qurylǵan sátinen bastap áli bir jyl ótpegenin jáne qyzmetten ketý týraly suraq qoıý erte ekenin atap aıtty.

«Narazylyq kóp bolýy múmkin. Biraq sondaı kadrlyq beıbereketsizdik kerek pe?», - dep RF basshysy ún qatty.

Prezıdent sonymen qatar, stýdııada qatysyp otyrǵan burynńy qarjy mınıstri Alekseı Kýdrınge (jekelegen sarapshylar ony mınıstrler kabıneti basshysynyń qyzmetine ornalasady dep boljaıdy) bılikke oralý týraly usynys jasaǵanyn málim etti, alaıda, A. Kýdrın bas tartqan tárizdi.