Máskeýde «Ramazan shatyry» aktsııasy ótedi
MÁSKEÝ. 30 shilde. QazAqparat - Búgin Máskeýdegi Memorıaldyq meshitte dástúrli «Ramazan shatyry» - máskeýlikterdi musylmandar mádenıeti jáne ramazan dástúrlerimen tanystyratyn qaıyrymdylyq is-sharanyń ashylýy ótedi.
«Ramazan shatyry» 31 shilde men 7 tamyz aralyǵynda barlyq nıet bildirýshiler úshin tegin jumys isteıdi. Uıymdastyrýshylar mazmundy mádenı baǵdarlama, ardagerlermen, sondaı-aq, basqa konfessııalar ókilderimen kezdesý ótkizýdi josparlaýda. Іs-shara sheńberinde Qurandy mánerlep oqý saıysynyń irikteý týry ótedi.
Sonymen qatar, «Shatyr» kúmbeziniń astynda ulttyq baǵdarlamalar - Reseı jáne shetel respýblıkalarynyń (Túrkimenstan, Túrkııa, Ázirbaıjan, Qyrǵyzstan jáne Tatarstan) kúnderi ótedi. Іs-shara 10 tamyzda «Oraza-baıram» balalar meıramymen aıaqtalady.
«Shatyr» jumys istegen barlyq ýaqytta ony jeti myńnan astam adam aralaıdy dep kútilýde. Іs-sharany uıymdastyrýshy Reseı múftıleri keńesi jáne Máskeý Úkimetiniń qoldaýymen Máskeý qalasy Musylmandar dinı basqarmasy bolyp tabylady.
