Máskeýde Rahymjan Otarbaevtyń 2 kitabynyń tusaýy kesildi
MÁSKEÝ. QazAqparat - Reseı astanasynda qazaqtyń dańqty jazýshysy, dramatýrg Rahymjan Otarbaevtyń orys tiline aýdarylǵan eki kitabynyń tusaýy kesildi, dep habarlaıdy QazAqparat tilshisi Elshiliktiń baspasóz qyzmetine silteme jasap.
«Shyńǵys-hannyń kóz jasy» jáne «Bas» atty romandary «Hýdojestvennaıa lıteratýra» baspasynyń bas redaktory Georgıı Prıahınniń aýdarmasymen orys tilinde jaryq kórdi. Bul sharaǵa máskeýlik jazýshylar, tilshilermen qatar Qazaqstannyń Reseıdegi elshiliginiń ókilderi jáne jazýshynyń uly Ermereı Otarbaev qatysty.
Georgıı Prıahın jınalǵan qaýymǵa bul jobany Qazaqstan Respýblıkasynyń Reseı Federatsııasynyń elshiliginiń qoldaýymen iske asyrǵanyn jetkizip, alǵysyn bildirdi.
Aıta ketelik, Otarbaevtyń shyǵarmalary tek qazaq jáne orys tilinde ǵana emes, sonymen qatar frantsýz, qytaı, arab, túrik, qyrǵyz jáne aǵylshyn tilderine aýdaryldy.
Óz kezeginde, alǵy sóz alǵan Qazaqstannyń Reseıdegi elshiliginiń keńesshi-ýákili Janar Kolbachaeva jazýshynyń mol murasy týraly aıtty.
«Bir-birimizdiń ádebı shyǵarmalarymyzben tanysý, ózara túsinistik pen dostyǵymyzdy jaqyndata túsedi. Ózge halyqtyń mádenıetimen tanysý - ol adamı qundylyqtyń eń joǵary deńgeıindegi baılanys. Rahymjan Otarbaev biraz halyqtyń mádenı qosýshysy, ádebı kópiri bola bild»i, - dedi Janar Kolbachaeva.
Іs-shara osy keshte jınalǵan Rahymjan Otarbaevtyń dostary, áriptesteriniń jazýshy týraly estelikterimen, jyly lebizderimen jalǵasty. Oqyrmandy sheshendikke tárbıelep, halqymyzdyń asyl muralaryn ıgerip, rýhanı turǵydan damı túsýlerine qyzmet etetin qundy dúnıeleri dúıim jurtqa taraıdy degen senim sózderi estildi. Bul joba jańasha negizinde usynǵan eńbektiń ıdeıalardy táýelsiz elimizdiń jarqyn ádebıetin barsha kórkemdikpen shet elderdiń oqyrmandaryna tanystyrý jáne qazaq mádenıetiniń bolashaǵyna qyzmet etkizý oraıynda jasalǵan.
Rahymjan Otarbaev Qazaqstan Jazýshylar odaǵy basqarmasynyń múshesi, Qazaqstannyń Eńbek sińirgen qaıratkeri, túrli halyqaralyq syılyqtarmen jáne «Qurmet», «Parasat» ordenderimen marapattalǵan.
