Máskeýde ótken UQShU PA keńesine Nurlan Nyǵmatýlın qatysty
ASTANA. QazAqparat - Búgin Májilis tóraǵasy Nurlan Nyǵmatýlın Máskeýdegi UQShU PA otyrystaryna qatysty. Bul týraly QazAqparat Májilistiń baspasóz qyzmetine silteme jasap habarlaıdy.
N.Nyǵmatýlın UQShU PA Keńesiniń otyrysynda áriptesteriniń aldynda sóz sóılep, Qazaqstan Prezıdenti Nursultan Nazarbaevtyń byltyr Mınskide ótken UQShU sammıtinde belgilep bergen baǵyttarǵa basa nazar aýdardy. Sonyń ishinde, áskerı jáne áskerı-tehnıkalyq saladaǵy yntymaqtastyqqa UQShU-nyń lańkestikke qarsy jahandyq is-qımyl halyqaralyq júıesin qalyptastyrý úrdisine belsene qatysýyna kóńil bóldi.
Májilis Tóraǵasy atap ótkendeı, 28 mamyrda UQShU Hatshylyǵy, TMD lańkestikke qarsy ortalyǵy jáne ShYU lańkestikkke qarsy aımaqtyq qurylymy arasyndaǵy ózara is-qımyl týraly Memorandým halyqaralyq uıymdar arasyndaǵy yntymaqtastyqty nyǵaıtýda mańyzdy qadamdardyń biri boldy.
Osy baǵyttaǵy jumys júıeli jalǵasyn tabýda.
N.Nyǵmatýlın atap ótkendeı, bıylǵy jyldyń 28 qyrkúıeginde Qazaqstan Respýblıkasynyń Prezıdentiniń bastamasymen Birikken Ulttar Uıymy qabyldaǵan «Terrorızmnen azat álemge qol jetkizý» minez-qulyq kodeksi lańkestikkpen pen ǵalamdyq kúres isinde serpindi qadam boldy.
Taǵy bir mańyzdy baǵyt - kıberqaýipsizdikke qarsy áreket etý.
Sonymen birge, Májilis Tóraǵasy tıimdi yntymaqtastyqtyń mańyzdy faktory dep zańnamalyq bazamen qamtamasyz etýdi atady.
Osy rette Nurlan Nyǵmatýlın qazirgi ýaqytta Májilistiń qaraýynda jatqan jáne jaqyn arada qaralýy josparlanǵan Ujymdyq qaýipsizdik týraly shart uıymyna múshe memleketterdiń aqparattyq qaýipsizdikti qamtamasyz etý salasyndaǵy yntymaqtastyǵy týraly kelisimdi ratıfıkatsııalaý týraly zań jobasyn atap ótti.
Esirtki aınalymyna qarsy kúres te mańyzdy salalardyń biri bolyp tabylady.
Ulttyq jáne ujymdyq qaýipsizdikti qamtamasyz etý máselesinde birlesken is-qımyldyń mańyzdylyǵyna toqtalǵan Májilis Tóraǵasy UQShU múshe memleketterdiń parlamentaralyq yntymaqtastyǵynyń róli artyp otyrǵandyǵyna kóńil bóldi.
Sondaı-aq, osy kúni ótken plenarlyq otyrysta ulttyq qaýipsizdikti qamtamasyz etý boıynsha usynymdar men modeldik zańdar, lańkestik men ekstremızmge qarsy aqparattyq is-qımyl jáne basqa da mańyzdy máselelerdi talqylaý engizildi. Bulardyń barlyǵy UQShU aıasyndaǵy ózara is-qımyl tıimdiligin arttyrý úshin bizdiń elderimizdiń ulttyq zańnamalaryn úılestirýge baǵyttalǵan.
