Máskeýde ótken chempıonatta batysqazaqstandyq balǵyn karateshiler júldeger atandy
ORAL. QazAqparat - Máskeý qalasynda ótken Reseı Kekýshınkaı karate odaǵy V chempıonatynda batysqazaqstandyqtar júldeger atandy, dep habarlaıdy «QazAqparat» tilshisi.
Atalmysh jarysqa Reseıdiń 21 óńiri men Qazaqstannan 370 sportshy qatysyp, olar alty jas jáne odan joǵary, sondaı-aq erler men áıelder arasynda 38 salmaq dárejesinde synǵa tústi. Birinshilikke Batys Qazaqstan oblysynan segiz balǵyn karateshi barsa, sonyń altaýy júldege ilikti. Atap aıtqanda, Nurgúl Saparova altynnan alqa taqsa, Batyr Dúısekeshev pen Qaraqat Asylbekqyzy ekinshi, Álfarabı Espolov, Erdáýlet Nuradın jáne Azat Qapanov úshinshi orynǵa ıe boldy. Balalardy Solongo Ishan men Suńǵat Joldanov jattyqtyrady. «Eń bastysy, shákirtterimiz sheberligi ósip kele jatqanyn taǵy bir dáleldedi», dedi Solongo Ishan.
