Máskeýde ótip jatqan Álem chempıonatynda grek-rım kúresiniń sheberleri alǵashqy medalderdi qorjynǵa saldy
ALMATY. Qyrkúıektiń 8-i. QazAqparat /Erlik Erjanuly/ - Máskeýde ótip jatqan grek-rım, erkin jáne áıelder kúresiniń Álem chempıonatynda Qazaqstan qorjynyna alǵashqy medalder tústi, dep habarlaıdy QazAqparat QR Kúres federatsııasynyń ınternet saıtyna silteme jasap.
Qyrkúıektiń 6-sy kúni jalaýy kóterilgen bul dúbirli dodada alǵashqy bop kilemge grem-rım kúresiniń sheberleri shyqqan bolatyn. Onda alǵashqy 2 kúnde ulttyq qurama sapyndaǵy 7 balýannyń altaýy synǵa túsip, el qorjynyna 2 qola júlde saldy. Búgin endi 74 kelide baq synaıtyn Roman Meleshın kilemge kóteriledi. Jartylaı synda 2008 jylǵy Olımpıada chempıony kýbalyq Mıhaıý Lopezge ese jibergen Nurmahan Tinálıev (120 kg) qola júlde úshin bolǵan kúreste chehııalyq Marek Svechti utty. Almat Kebispaev (60 kg) bolsa bolgarııalyq Ivo Angelovtan basym tústi. Al Alhazýr Ozdıev (84 kg) grýzııalyq Vladımır Gegeshıdzege ese jiberdi. Buǵan deıin jarystyń alǵashqy kúni synǵa túsken Jankeldi Azkenov (55kg) 11-shi, Darhan Baıahmetov (66 kg) 12-shi, Áset Mámbetov (96 kg) 15-shi oryndy qanaǵat tutqan bolatyn.
