Máskeýde osetınder men ázirbaıjandar tóbelesip qaldy
ASTANA. Tamyzdyń 9-y. QazAqparat - Jeksenbi kúni Máskeýdegi Zamoskvoretsk bazarynda úlken tóbeles boldy, dep habarlaıdy RBK agenttigi.
Osetındik jáne ázirbaıjandyq satýshylardyń arasynan shyqqan kıkiljińniń sońy qyp-qyzyl tóbeleske ulasyp, onyń barysynda travmatıkalyq tapanshadan oq atyldy.
Atys-shabys barysynda 6 adam jaralandy. Oqıǵa ornyna jedel jetken medıkter zardap shekkenderdi aýrýhanaǵa alyp ketti.
Tóbelestiń sebebi men oǵan qatysýshylardyń naqty sanyn qazir mılıtsııa anyqtap jatyr. Tergeý júrgizilýde.
