Máskeýde Olımpıada alaýy estafetasy bastaldy
ASTANA. 7 qazan. QazAqparat - Búgin Reseı astanasynda máskeý ýaqyty boıynsha 12:00-de 2014 jyly Sochıde ótetin qysqy Olımpıada oıyndarynyń alaý estafetasy bastaldy.
Alaý estafetasy 123 kúnge sozylyp, olımpıada fakeli 65 myń shaqyrymdyq jol júrip ótetin bolady ári Reseıdiń búkil aýmaǵyn qamtıdy.
Sharaǵa 14 myń alaýger men Reseıdiń ártúrli óńirinen 30 myń erikti qatysady dep kútilýde. Estafeta barysynda Olımpıada alaýy Soltústik polıýste bolyp, Baıkal kóliniń kóliniń túbine de baryp qaıtady, tipti Baıqońyrdan ǵaryshqa da attanady. Uıymdastyrýshylardyń baǵalaýynsha, estafeta eki myńnan astam eldi mekende bolady.
Alaý 2014 jyldyń 7 aqpanynda, Olımpıada oıyndarynyń ashylý kúninde Sochıge jetkiziledi.
