Máskeýde oqýshy sabaq ústinde qaıtys boldy
MÁSKEÝ. TASS-QazAqparat – Máskeýdiń ońtústigindegi mektepte oqýshy bala dene shynyqtyrý sabaǵy kezinde kóz jumdy, dep habarlaıdy QazAqparat TASS agentigine silteme jasap.
Juma kúni Tergeý komıtetiniń Máskeýdegi bas tergeý basqarmasynyń ókili ıÝlııa Ivanovanyń aıtýynsha, bul fakti boıynsha tekseris bastaldy.
«Aldyn ala málimetke sáıkes, 6 qarashada Máskeýdiń ońtústik ákimshilik okrýgindegi mekteptiń birinde oqýshy sabaq kezinde ózin nashar sezinip, keıin qaıtys boldy», – dedi ol.
Qazir oqıǵa ornynda tergeýshiler jumys isteýde, oqıǵanyń mán-jaıy anyqtalýda.
«Oqý orny qyzmetkerleriniń ishinen laýazymdy tulǵalardan jaýap alynady. Tekserý nátıjeleri boıynsha protsessýaldyq sheshim qabyldanady», – dedi ıÝlııa Ivanova.
Quqyq qorǵaý organyndaǵy derekkózdiń naqtylaýynsha, qaıǵyly oqıǵa dene shynyqtyrý sabaǵynda boldy.
