Máskeýde Nursultan Nazarbaev týraly kitaptyń tanystyrylymy ótti (FOTO)
Kitap avtorlary - Eýrazııa Ekonomıkalyq komıssııasy energetıka jáne ınfraqurylym jónindegi Alqa Múshesi (Mınıstr), saıasat ǵylymdarynyń doktory Taıyr Mansurov jáne Qazaqstan Jazýshylar odaǵynyń basqarma hatshysy, qazaqstandyq «Prostor» ádebı jýrnalynyń bas redaktory Valerıı Mıhaılov.
Týyndy elimizdiń jańasha tarıhynyń aıtýly tustaryn sıppattaıtyn baı materıaldardan turady. Kitap Nursultan Nazarbaevty saıasatker tulǵa retinde ǵana emes, otbasyn, mekteptegi oqýshy kezin, eńbekke aralasqan jastyq shaǵyn aıtyp beredi.
Tusaýkeserdi saltanatty túrde ashyp sóz alǵan Reseıdegi Qazaqstannyń Tótenshe jáne Ókiletti Elshisi Marat Tájın bul shyǵarmanyń - álemdik saıasattyń iri tulǵasy, suńǵyla strateg Nursultan Nazarbaevtyń ómirbaıanynan syr shertetinin atap ótti. Kitap Qazaqstannyń el Prezıdenti qurǵan júıeli negizdegi jańa jańǵyrý kezeńine aıaq basqan sátinde jaryqqa shyǵýy aıryqsha mánge ıe.
«Menińshe qazir qolǵa alynǵan jańǵyrtý kezeńi aýqymy jaǵynan 1990-shy jyldardaǵy Qazaqstandaǵy alǵashqy reformalaryna teń keledi. Aýyr kezeńdegi qıynshylyqtar osy shyǵarmada tolyq ári tartymdy sýrettelgen», - dedi M.Tájın.
Elshi kitap avtorlary men baspahana ókilderine alǵys aıta otyryp, onyń tarıhshylarǵa ǵana emes, sarapshylarǵa, muraǵatshylarǵa jáne qalyń oqyrman qaýymǵa da qyzǵylyqty ekendigine mán berdi.
«Molodaıa gvardııa» AAQ-nyń Bas dırektory Valentın ıÝrkın kitaptyń óz baspahanasynda shyǵýyn úlken mártebe sanaıtyndyǵyn atap ótti.
«1991 jyly bizdiń baspahanada Nursultan Nazarbaevtyń «Bez pravyh ı levyh» atty birinshi kitaby shyqqan edi. Sonda Prezıdent odaqtyń ydyraýy tusynda ashyq ári suńǵyla túrde naqty jaǵdaıda negizdep berip edi» - dep eske túsirdi ol.
T.Mansurov Prezıdent N.Nazarbaev týraly kitaptar kóp shyqqandyqtan avtorlardyń aldyndaǵy mindettiń jeńilge soqpaǵandyǵyna toqtalyp ótti. Onyń aıtýynsha, ómirbaıanda buǵan deıin kópshilik qaýymǵa belgisiz bolǵan kóptegen derekter keltirilgen.
«Kitapty jazýda meniń Qaraǵandyda dúnıege kelgenim, Nursultan Ábishuly eńbek jolyn bastaǵan Temirtaýda kóp bolǵandyǵym septigin tıgizdi. «Kazahstanskaıa pravda» gazetiniń bas redaktory bolǵan kezimde Prezıdentpen birge kóptegen saparlarǵa barǵandyǵym maǵan osynshama alyp tulǵany tanyp-bilýge múmkindik berdi», - dedi ol.
Reseı memleket qaıratkeri, belgili dıplomat Borıs Pastýhov, tusaýkeserde sóılegen sózinde, avtorlardyń qazirgi zamannyń uly tulǵasyn, ári Qazaqstan halqynyń ulylyǵyn somdaı alǵandyǵyn atap ótti.
«Kitap Qazaqstannyń búgingi jetistikteriniń fenomeni, faktory Nursultan Nazarbaevpen baılanystylyǵyn atap ótken», - dedi B.Pastýhov.
Kitap tusaýkeserine qatysýshylar týyndynyń óz oqyrmandaryn tabatyna senimdi ekendikterin aıtyp ótti. Baspagerlerdiń aıtýyna qaraǵanda, bul shyǵarma jetekshi reseılik kitaphanalarǵa, sondaı-aq Ulybrıtanııa, Germanııa, Italııa, Ispanııa, AQSh jáne TMD elderiniń belgili kitaphanalaryna jiberilgen.
