Máskeýde Nursultan Nazarbaev týraly kitap jaryqqa shyqty (FOTO)
MÁSKEÝ. QazAqparat - Keshe Máskeý qalasynda «SOZIDATELЬ. Nýrsýltan Nazarbaev: vzglıad ız Rossıı» atty jańa kitaptyń tusaýy kesildi. QR SІM-niń qoldaýymen jaryqqa shyqqan jınaqtyń tanystyrylymyna TMD jáne birqatar Eýropa dıplomatııalyq mıssııasynyń ókilderi qatysty.
Reseıdegi Qazaqstan elshiliginiń bastamasymen jaryqqa shyqqan 400 betten turatyn jańa jınaqtyń tusaý keserinde osy eldegi Qazaqstannyń Tótenshe jáne Ókiletti elshisi Marat Tájın Reseıdiń mádenı, ǵylymı elıtasy N.Nazarbaevpen kezdeskendegi óz pikirlerin jınaqqa jazyp berýge kelisip qana qoımaı, N.Á.Nazarbaevtyń saıası kóshbasshy retindegi fenomeni týraly oı tolǵamdarymen bólisýge daıyn bolǵandyǵy aıryqsha áser etkenin jetkizdi. Osy oraıda M.Tájın N.Á.Nazarbaev kóshbasshylyǵynyń faktory standartty saıası modelder qalybyna syımaıtyn biregeı tarıhı fenomendiginde ekenin aıtty. Bul jerde jeke qasıeti, lıderlik stıli, ózgergen tarıhı jaǵdaıdy da aıtýǵa bolar. Jınaqqa qatysqan pýblıtsısterdiń ishinde shyǵarmashylyq odaq, iri basylym jetekshileri, joǵary nagrada kavalerleri men mártebeli syılyqtardyń laýreattary: Vsevolod Bogdanov, Vladımır Gýbarev, Rafael Gýseınov, Valerıı Sımonov, ıÝrıı Batýrın, Kırıll Prıvalov, Leonıd Mlechın, Nıkolaı Dolgopolovty aıtýǵa bolady. N.Nazarbaevtyń 75 jyldyq mereıtoıyna arnalǵan quttyqtaýlar jáne Elbasynyń ózine tikeleı aıtylǵan arnaýlar kitapta jeke bólim bolyp basylǵan. Avtorlar arasynda Reseı parlamentiniń spıkeri Valentına Matvıenko jáne Sergeı Naryshkın, RF Qorǵanys mınıstri Sergeı Shoıgý, EAEK alqa tóraǵasy Vıktor Hrıstenko, UQShU Bas hatshysy Nıkolaı Bordıýja, Tatarstan basshysy Rýstam Mınnıhanov, Bashqurtstan basshysy Rýstem Hamıtov, Daǵystan basshysy Ramazan Abdýlatıpov bar. Sondaı-aq, mereıtoıǵa baılanysty óz quttyqtaýyn: ǵaryshker-ushqysh Alekseı Leonov, sýretshi Zýrab Tseretelı, «LÝKOIL» prezıdenti Vagıt Alekperov, «Argýmenty ı Fakty» gazetiniń bas redaktory Nıkolaı Zıatkov, RF SІM Dıplomatııalyq Akademııasynyń rektory Evgenıı Bajanov, «ROSNANO» kompanııasynyń basshysy Anatolıı Chýbaıs, Reseı Mýftıler keńesiniń tóraǵasy Ravıl Gaınýtdın, Reseıdiń tanymal ártisteri: ıÝrıı Grıgorovıch, Aleksandr Kalıagın, Valerıı Gergıev, ıÝrıı Bashmet, Vladımır Spıvakov, Sergeı Shakýrov, kompozıtor Igor Krýtoı, sportshy Elena Isınbaeva jáne Rınat Dasaev syndy tulǵalar da joldaǵan. Sondaı-aq, kitaptyń tusaýkeserinde Qazaqstan Prezıdentiniń ózin moıyndatqan álemdegi kóshbasshylardyń biri bolýyna yqpal etken onyń jan-jaqty qaıratkerligi men jeke tulǵasynyń aýqymdylyǵy aıtyldy. Saltanatty jıynnyń jarqyn sáti retinde, keshti qorytyndylaǵan shara RF Jýrnalıster Odaǵynyń eń joǵary nagradasy «Eńbegi úshin» belgisiniń N.Nazarbaevqa berilýin aıtýǵa bolady.
