Máskeýde nemeresin jetektegen áıeldi Chrysler markaly kóligi qaǵyp ketti
ASTANA. QazAqparat - Sheteldik markaly kólik Máskeýdiń ońtústiginde nemeresimen birge joldan ótip bara jatqan egde áıeldi qaǵyp ketti.
Máskeý memlekettik jol qozǵalysy qaýipsizdigi ınspektsııasy baspasóz qyzmetiniń habarlaýynsha, oqys oqıǵa 27 qyrkúıekte Podolskıh Kýrsantov kóshesindegi 34 úıdiń mańynda máskeý ýaqytymen saǵat 22:00 shamasynda oryn alǵan.
«Chrysler avtomobıli júrginshilerdiń ótpe jolynda egde áıel men onyń 5 jasar nemeresin qaqqan,-dep habarlady vedomostvodan. Jol apaty saldarynan áıel oqıǵa ornynda mert boldy, bala túrli jaraqattarmen aýrýhanaǵa jatqyzyldy. Qazir oqıǵanyń mán-jaıy tekserilýde.
