Máskeýde naýryz merekesi toılandy

MÁSKEÝ. KAZINFORM – Merekelik shara Reseı astanasyndaǵy VDNH kórme ortalyǵyndaǵy «Qazaqstan» pavılonynda ótti, dep habarlaıdy Kazinform agenttiginiń menshikti tilshisi.

Merekelik sharaǵa Máskeýde jáne Reseı oblystarynda turatyn qazaq dıasporasynyń ókilderi, sheteldik dıplomatııalyq mıssııalardyń basshylary men qyzmetkerleri, reseılik qoǵam qaıratkerleri, ǵylym jáne mádenıet qaıratkerleri qatysty.

Sharada halyq ánderi men belgili avtorlardyń mýzykalyq shyǵarmalary oryndaldy. Qonaqtarǵa dástúrli Naýryz kóje men baýyrsaq usynyldy.

Sharany Qazaqstan Respýblıkasynyń Reseıdegi Elshiligi uıymdastyrdy.

Eske sala keteıik, buǵan deıin Nıý-Iork kitaphanasyna qazaqtyń tanymal tulǵalarynyń kitaptary qoıylǵanyn jazǵan bolatynbyz.