Máskeýde Muhtar Ábilıazov isine qatysty sot bolady
MÁSKEÝ. QazAqparat – Máskeý qalalyq Tagan aýdandyq soty 31 qańtarda qazaqstandyq eks-bankır Muhtar Ábilıazovqa qatysty qylmystyq is materıaldaryn qaraıdy, dep habarlaıdy QazAqparat tilshisi.
mos-gursud.ru portalynyń málimetinshe, RF Qylmystyq kodeksiniń 159-baby 4-bóligi («Alaıaqtyq») boıynsha M.Ábilıazovty jáne taǵy tórt azamat - A.V.Ereşenko, I.V.Kononko, T.N. Paraskevıch jáne A.A Ýdovenkony aıyptaý boıynsha qylmystyq is ótken jyldyń jeltoqsanynda sotqa túsken.
Osy aralyqta eki sot otyrysy qorǵaýshylardyń kelmeýine baılanysty keıinge (2019 jyldyń 24 jeltoqsany jáne 2020 jyldyń 17 qańtary) qaldyryldy. Kelesi otyrys jumaǵa, 31 qańtarǵa belgilendi.
Reseı Federatsııasynyń QK 159-baby 4-bóligi boıynsha («Uıymdasqan toptyń asa iri mólsherde alaıaqtyq jasaýy nemese azamattyń turǵyn úı-jaı quqyǵynan aıyrýǵa ákep soqqan alaıaqtyq») kináliler on jylǵa deıin bas bostandyǵynan aıyrylyp, bir mıllıon rýblge deıin aıyppul tóleıdi.
Bul áreket asa iri qylmysqa jatady, sondyqtan is aıyptalýshylardyń qatysýynsyz qarala bermek. Advokattardyń únemi kelmeı qalýy da sot protsesin soza berýge negiz bolmaıdy, óıtkeni RF Qylmystyq is júrgizý kodeksine sáıkes, «sottalýshynyń shaqyrǵan qorǵaýshysy bolmaǵan jaǵdaıda sot qorǵaýshyny taǵaıyndaý boıynsha sharalar qabyldaıdy». Osylaısha, aıyptalýshylarǵa qatysty úkim olardyń qatysýynsyz shyǵarylýy múmkin.
