Máskeýde Memlekettik tildi damytý qorynyń ınnovatsııalyq jobalary tanystyryldy
«Qazaq mádenıetiniń Máskeýlik qoǵamy «Murager» óńirlik qoǵamdyq uıymynyń bastamasymen Reseı Federatsııasynyń Qoǵamdyq palatasynda «Reseı halyqtarynyń dástúrli mádenıetin, patrıottyq tárbıeni, dástúrli qundylyqtardy saqtaýǵa, qoǵamdyq dıplomatııa men orys halqynyń kópultty, kópkonfessııalyq birligin damytýǵa negiz retinde keshendi kózqaras» atty dóńgelek ústel ótti.
Dóńgelek ústelde Memlekettik tildi damytý qorynyń dırektory Azat Shaýeev qatysýshylarǵa qordyń oqý, mádenı, ǵylymı, shyǵarmashylyq jobalary, mysalǵa, qazaq tilin tegin oqytýǵa arnalǵan «Soyle.kz» onlaın kýrsyn, «Abaialemi.kz» onlaın entsıklopedııasyn, «Tattialma.kz» balalar ádebıeti saıtyn, «Kim bilgish?» ıntellektýaldy-tanymdyq onlaın oıynyn, «Meniń Kazaqstanym», «Uly tulǵalar», «Qazaqstan merekeleri» mobıldi qosymshalaryn, «Rýhanı jańǵyrý» baǵdarlamasyn júzege asyrý maqsatynda ázirlengen «Qazaqstan3D» Qazaqstandy tanystyrýdaǵy erekshe mýltımedıalyq jolserigin, qazaq halqynyń ulttyq dástúrleri men salt-dástúrlerin, mádenı, ádebı, rýhanı jetistikterin saqtaýǵa yqpal etetin «Jeti qazyna» mobıldi entsıklopedııalyq- qosymshasyn, sonymen qatar smartfondar men planshetterǵa arnalǵan latyn áripterimen qazaqsha pernetaqta «Qazaq Latyn Keyboard»jańa jobasyn tanystyrdy.
Atalmysh jobalar - QR Tuńǵysh Prezıdenti - Elbasynyń qory jáne «Samruk-KazynaTrust» áleýmettik jobalardy damytý qorynyń qoldaýymen jasalǵan.
Osy is-shara aıasynda Memlekettik tildi damytý qory Máskeýdegi jáne RF oblystaryndaǵy qazaq dıasporalarynyń ókilderimen «Rýhanı jańǵyrý baǵdarlamasynyń» negizgi maqsattaryn túsindirý, qazaq halqynyń ulttyq salt-dástúrlerin, mádenıetin, ádebı jáne rýhanı jetistikterin saqtaý taqyrybynda kezdesýler ótkizdi.
