Máskeýde mas qyz 9-shy qabattan qulap, aman qaldy
ASTANA. QazAqparat - Reseı astanasynda ishimdikke sylqııa toıǵan mektep oqýshysy 9 qabattyń terezesinen qulap, aman qaldy. Onyń tek qabyrǵasy ǵana synǵan, dep habarlady búgin lenta.ru.
Osy oqıǵaǵa qatysty taraǵan málimetterde 15 jastaǵy qyzdyń ata-anasymen janjaldasyp qalǵandyǵy aıtylady. Spırtti ishimdik ishkenin bilgen qyzdyń ata-anasy ony jazalamaq bolyp, bólmege qamap qoıǵan. Úıqamaqta otyrǵysy kelmegen oqýshy terez arqyly dostaryna barmaq bolǵan. Alaıda, ol maqsatyna jete almaı qulap ketken.
Terezeniń mańynda ósip turǵan aǵashtar qyzdyń jerge bar salmaǵymen qulaýyna kedergi bolǵan. Sóıtip qyz aýyr jaraqat alǵan joq.
Shilde aıynda úıde shyqqan órtten qashpaq bolǵan máskeýlik azamat ta 9-shy qabattan sekirip ketip, aman qaldy.
