Máskeýde Lenın mavzoleıin órtemek bolǵan adam ustaldy

MÁSKEÝ. TASS-QazAqparat – Máskeýde Lenın mavzoleıin órteýge áreket jasaǵan er adam ustaldy, dep habarlaıdy QazAqparat «TASS» aqparat agenttigine silteme jasap.

«Oqıǵa keshe saǵat 22:00 shamasynda boldy. Er adam Lenın mavzoleıine jaqyndap, ishinde janǵysh qospasy bar bótelkeni laqtyrdy. Órt bolǵan joq. Quqyq qorǵaý organdary tártip buzýshyny tez arada ustady», - degen agenttikke habar berýshi.

Onyń aıtýynsha, er adamǵa qatysty «polıtsııa qyzmetkeriniń zańdy buıryǵyna baǵynbaý» baby boıynsha hattama toltyryldy. Sondaı-aq, «buzaqylyq» baby boıynsha qylmystyq is qozǵaý máselesi qarastyrylyp jatyr.

Aıta ketsek, kesenege zaqym kelmegen.