Máskeýde «Lańǵa qarsy jedelhat» aktsııasy bastaldy
ASTANA. Sáýirdiń 7-si. QazAqparat - Máskeýde búgin «Lańǵa qarsy jedelhat» aktsııasy bastaldy. Máskeý metrosyndaǵy jarylys qurbandaryn eske alýǵa arnalǵan bul sharany «Ortalyq telegraf» uıymdastyryp otyr,
dep habarlaıdy «Maıak» radıosy.
Іs-shara tańǵy saǵat 7.57-de bastaldy (máskeý ýaqyty) - naýryzdyń 29-ynda dál osy saǵatta alǵashqy jarylys bolǵan edi. Aktsııa mamyrdyń 7-sine deıin - opat bolǵandarǵa qyryq kún bolǵanǵa deıin sozylady.
Kóńili qalaǵan jandar Tver kóshesindegi telegraftyń operatsııalyq zalynan nemese 06 telefon arqyly «Ortalyq telegraftyń» atyna lańkestikke qarsy úndeýmen jedelhat joldaı alady. Jedelhattyń baǵasy - sáıkesinshe 98 jáne 147 rýbl.
Aktsııa barysynda jınalǵan qarjyǵa tótenshe jaǵdaılar úshin qoǵamdyq kólikterge ornatylatyn dári-dármek qobdıshalary satyp alynady.
