Máskeýde qyzymen birge poıyz astyna túsken áıel kóz jumdy
ASTANA. QazAqparat - Máskeý qalasyndaǵy metronyń "Molodejnaıa" stansasynda poıyzdyń astyna túsken áıel aýrýhanada kóz jumdy, dep habarlaıdy RIA Novostı quqyq qorǵaý organdaryndaǵy derekkózge silteme jasap.
Kámeletke tolmaǵan qyz bala komada jatyr, degen agenttiktiń derekkózi.
Oqıǵa kúndiz oryn alǵan. "Molodejnaıa" stansasynda áıel adam toǵyz jastaǵy qyzymen birge relske qulaǵan. Zardap shegýshilerdi tikushaqpen aýrýhanaǵa jetkizgen.
Tergeý komıteti kámeletke tolmaǵan balaǵa qastandyq jasaldy degen aıyppen qylmystyq is qozǵady.
