Máskeýde Qytaıdyń 14 azamaty densaýlyq jaǵdaıyna shaǵymdandy
MÁSKEÝ. TASS-QazAqparat – Máskeý ortalyǵynda «Four Seasons» qonaqúıinde 14 Qytaı azamaty dárigerlerge densaýlyǵyna baılanysty shaǵym aıtqan, dep habarlaıdy QazAqparat TASS-qa silteme jasap.
«Qytaıdyń 14 azamaty qonaqúıge jedel járdem shaqyrtqan. Olar dárigerlerge densaýlyq jaǵdaıyna shaǵymdanǵan jáne shaǵymdanýshylardyń basym bóliginiń dene qyzýy joǵary bolǵan», - dedi agenttik derekkózi.
Aldyn ala derek boıynsha, qonaqtarǵa JRVI degen dıagnoz qoıylǵan.
Onyń aıtýynsha, qytaılyqtar Máskeýge týrıst retinde kelgen. Qazirgi ýaqytta ol jerde jedel járdem brıgadasy jumys istep jatyr.
Máskeý densaýlyq saqtaý departamenti týrısterdiń dene qyzýy týraly aqparatty joqqa shyǵardy.
«Koronavırýs jaǵdaıyn baqylaý jáne qadaǵalaý jónindegi jedel shtab jedel medıtsınalyq kómek brıgadasynyń Four Seasons qonaqúıindegi 14 adamnan quralǵan qytaılyq týrıster tobyna barǵanyn habarlaıdy. Dárigerler sol jerde barlyq týrısterdi tekserdi, segiz adamnyń dene qyzýy shyqqan degen aqparat shyndyqqa sáıkes kelmeıdi. Tek bir naýqasta jeńil JRVI belgileri bolǵan. Tekserilgen barlyq azamattardyń jaǵdaıy qanaǵattanarlyq. Osyǵan baılanysty olardy aýrýhanaǵa alyp ketýge eshqandaı sebep joq», - dep habarlady vedomstvodan.
