Máskeýde Qyrǵyzstan azamatynyń basyn jarǵandar ustaldy
ASTANA. QazAqparat -Máskeýde Qyrǵyzstan azamatyna shabýyl jasaǵan alty jigit ustaldy. Olardyń bireýi kámelettik jasqa tolmaǵan. Buzaqylar soqqysynan qyrǵyzstandyq azamattyń bas súıegi synǵan, dep habarlaıdy RIA Novostı.
Oqıǵa «Avıamotornaıa» metrosy stantsııasynyń jerasty ótkelinde bolǵan.
«Buzaqylyq áreketke qatysy bar degen alty 18-20 jastaǵy kolledj jáne ýnıversıtet stýdentteri ustaldy, tergeý júrip jatyr», - dedi polıtsııa qyzmetkeri.
