Máskeýde qutqarýshylar RǴA ınstıtýty kitaphanasynda shyqqan órtpen 12 saǵattan beri arpalysýda
ASTANA. QazAqparat - Máskeýde qutqarýshylar RǴA ınstıtýtynyń kitaphanasynda shyqqan órtpen kúresip jatqanynan 12 saǵattan asty, dep habarlady TASS.
«Nahımov dańǵylyndaǵy órt áli óshirilgen joq», - dep habarlady TJM máskeýlik MM baspasóz qyzmetinen.
Oqıǵa ornynda órt sóndirý-qutqarý qurylymdary jumys jasaýda. Órttiń shyǵý sebebi men keltirilgen zalal kólemi anyqtalyp jatyr.
«Bul «G» árip pishinindegi úsh qabatty mekeme. Jalyn úshinshi qabatta tutandy. Ǵımarattyń kóp bóligin tilsiz jaýdan qutqarýdyń sáti tústi Mekemeniń jalyn sharpyǵan aýmaǵynda ne bolǵany anyqtalýda», - dedi TJM máskeýlik MM.
Órt tolyǵymen sóndirilgen soń onyń shyǵý sebepteri belgili bolmaq.
Bul fýndamentaldy kitaphana 1918 jyly qurylǵan. Onyń negizinde 1969 jyly ınstıtýt ashyldy. Munda 14 mln-nan astam kitap pen merzimdi basylymdar bar.
