Máskeýde Quran oqýdan halyqaralyq báıge ótti
ASTANA. 19 qyrkúıek. QazAqparat - Máskeýde HIV-shi halyqaralyq Quran oqý baıqaýy ótti. Aıtýly sharaǵa Reseı Federatsııasy Syrtqy ister mınıstriligi men Reseı Múftıler keńesi muryndyq boldy.
Muslim.kz saıtynyń jazýynsha, eki kúnge sozylǵan atalmysh sharaǵa álemniń 30-dan asa elinen hafızder qatysyp, baqtaryn synady. Ádilqazylar alqasyna Reseıden ózge Túrkııa, Sýdan, Lıvan, Irannan kelgen qasıetti Quran oqýdyń álemge áıgili bilgirleri kirdi. Alǵashqy saıys qorytyndysy boıynsha, aqtyq synǵa 6 adam iligip, iriktelip alyndy: ál-Hýmýı ıAsın (Sırııa), Muhammed Sálıman Muhammed ál-Máláýanı (Mysyr), Muhammed Fýad Muhammed Álmuqpa Álqaýarı (Bahreın), Omar ben Arbıa (Týnıs), Otan ál-Shaǵapan (Kýveıt), Ermalı Halıfa Salah (Lıvııa).
«Baıqaýǵa qatysqandardyń barlyǵy ulty men dini ár alýan kórermenderge Jaratqannnyń qasıetti sózin jetkizýge kúsh saldy»,- degen pikirler aıtyldy osy sharaǵa oraı ótken baspasóz qyzmetinde.
Osynaý dúbirli dodada azamattyq soǵystan kóz ashpaǵan Sırııadan kelgen ál-Hýmýı ıAsın esimdi jigit jeńimpaz atanyp, jankúıerlerin bir jelpintip tastady. Al, ekinshi orynǵa mysyrlyq Muhammed Sálıman Muhammed ál-Máláýanı taban tiredi. Odan keıingi oryndy Lıvııadan kelgen meıman ıelendi.
Jeńimpazdar asyl tastarmen kómkerilip, kózdiń jaýyn alǵan dıplomdarmen marapattaldy.
