Máskeýde kúnniń kúrt sýytýynan 80 áýe reısi keshiktirilýde
MÁSKEÝ. QazAqparat - Kúnniń kúrt sýytýyna baılanysty Máskeý áýejaılarynda 80 reıs keshiktirilýde nemese ushýǵa tyıym salyndy, dep habarlaıdy «QazAqparat» HAA tilshisi.
Áýejaılardyń jerústi qyzmetteri kúsheıtilgen rejimde jumys isteýde. Áýe aılaǵynyń ushyp-qoný jolaqtaryna kóktaıǵaqqa qarsy arnaıy qospalar shashylýda.
Buǵan deıin habarlaǵanymyzdaı, aýa temperatýrasynyń sońǵy 120 jyldaǵy rekordty tómendeýine baılanysty Máskeý men Máskeý oblysynda qaýiptiliktiń «sarǵylt» deńgeıi engizildi.
Osy ýaqytta RF astanasynda termometr baǵany -22 gradýsty kórsetip tur. Máskeý oblysynda - mınýs 25,-27 gradýs. Aıazdy kúnder taǵy bir táýlik saqtalatyny kútilýde. Sınoptıkterdiń boljamynsha, 9 qańtarǵa qaraǵan túni Máskeýde temperatýra -33-ke, oblys boıynsha -36-ǵa deıin túsedi.
Foto tourdream.net saıtynan
