Máskeýde Kreşenıe túninde muz oıyǵyna 57,5 myńnan astam adam súńgip shyqty
ASTANA. 19 qańtar. QazAqparat - Máskeýde 2011 jyldyń 18-19 qańtaryna qaraǵan túnde Kreşenıe merekesin toılaý kezinde muz oıyqtarynda shamamen 57 myń 580 adam shomyldy, 2010 jyly onyń sany 32 myń adam bolǵan edi.
Máskeý astanasynyń quqyq qorǵaý organdarynda habarlaǵandaı, mereke kezinde qandaı da bir quqyq buzýshylyq oryn alǵan joq, dep habarlaıdy RBK.
Qalanyń jumys istep jatqan 105 pravoslavtyq hramdary men shirkeýlerinde qudaıǵa qulshylyq etý jáne qasıetti sýdy taratý sharasy ótkizildi, oǵan shamamen 30 myń 470 adam qatysty. 2010 jyldyń sáıkes kezeńinde qudaıǵa qulshylyq etý rásimine shamamen 40 myń adam qatysqan edi.
Qoǵamdyq tártip pen azamattardyń qaýipsizdigin qamtamasyz etýge 1 myń 394 adam jumyldyryldy.
