Máskeýde qoımadan shyqqan tilsiz jaýmen arpalys kezinde 7 órt sóndirýshi joǵalyp ketti
ASTANA. QazAqparat - Máskeýdiń Shyǵys ákimshilik okrýgyndaǵy Amýr kóshesinde ornalasqan jasandy gúlder qoımasynan shyqqan alapat órtti sóndirý kezinde 7 órt sóndirýshimen baılanys joǵalyp ketti, dep habarlaıdy Bı-bı-sı RF TJM baspasóz qyzmetine siltememen.
Málimetter boıynsha, olardy qulaǵan shatyr basyp qalǵan bolýy múmkin nemese olar órtengen edenniń astyna qulap ketken bolýy yqtımal. Biraq bul málimetterge naqty dálel joq.
Aıta keteıik, beısenbi kúni Máskeý ýaqytymen 17:23-te atalǵan qoımada alapat órt bolyp jatqany týraly habar kelip túsken. Qoıma "Vıktorııa" JAQ-ǵa tıesili. Tilsiz jaý áýelde 250 sharshy metr jerdi sharpyǵan. Birneshe saǵattan keıin órt 4 myń sharshy metr aýmaqqa tarap ketken. Órttiń kúrdelilik deńgeıi 4 balǵa jetip otyr.
