Máskeýde koronavırýsten 79 jastaǵy áıel kóz jumdy
NUR-SULTAN. QazAqparat – Máskeý qalasynda jańa tıptegi koronavırýs dıagnozy rastalǵan egde jastaǵy áıel kóz jumdy. Bul týraly QazAqparat TASS agenttigine silteme jasaǵan habarlaıdy.
Reseı astanasynda koronavırýs jaǵdaıyna baqylaý jáne monıtorıng júrgizý shtabynan málimdegendeı, naýqas áıeldiń birqatar sozylmaly aýrýlary bolǵan.
«79 jastaǵy áıel aýrýhanaǵa 13 naýryz kúni jatqyzylǵan. Týystarynyń suraýy boıynsha, 14 naýryzdan bastap jekemenshik medıtsınalyq mekemege aýystyrylǵan. Odan koronavırýs ınfektsııasy anyqtalǵan soń, dereý № 2 ınfektsııalyq aýrýhanaǵa aýystyryldy. Infektsııalyq aýrýhada kóz jumǵan áıeldiń birqatar sozylmaly aýrýlary bolǵany belgili boldy», - dedi shtabtan.
