Máskeýde kóppáterli turǵyn úıde jarylys bolyp, 50 adam evakýatsııalandy
MÁSKEÝ. TASS-QazAqparat – Máskeýdiń batysynda kóppáterli turǵyn úıde jarylys bolyp, sońy órtke ulasty, dep habarlaıdy QazAqparat TASS agenttigine silteme jasap.
«Ýdaltsov kóshesi, 16 úıde jarylys bolyp, sonyń saldarynan páterler arasyndaǵy qorshaýlar qıraǵan. 17 adam qutqaryldy», - dedi «TASS» agenttiginiń derekkózi.
Onyń aıtýynsha, úıden 50 adam evakýatsııalandy. Jarylystan keıin órt shyqqan.
Jedel qyzmettegi derekkóz de eki adamnyń zardap shekkenin habarlady.
Máskeý TJM baspasóz qyzmetiniń málimetinshe, 5-7 qabattarda balkonnan órt shyqqan.
«Órt aýyzdyqtaldy, jalyn 60 sharshy metr aýmaqty qamtyǵan», - dep habarlady vedomstvodan.
