Máskeýde kópqabatty úıde jarylys bolyp, adamdar qaza tapty

ASTANA. KAZINFORM – Máskeýdiń ońtústik-batysynda general Tıýlenev kóshesindegi №39 turǵyn úıde jarylys bolyp, arty órtke ulasty. Tótenshe jaǵdaı saldarynan eki adam qaza tapty, dep habarlaıdy TASS.

Qaza tapqandar toǵyzynshy qabattyń balkonynan tabyldy.

Reseı TJM málimetinshe, alty adam zardap shekti. Bir eresek adamnyń jaǵdaıy aýyr, qalǵandarynyń jaǵdaıy ortasha aýyr dep baǵalanyp otyr. Olar tórt statsıonarǵa jetkizildi. Órtenip jatqan páterden kórshiler bir balany qutqardy, ol páterde turǵandar arasynan aman qalǵan jalǵyz adam. 

Jarylys oshaǵy toǵyzynshy qabattaǵy páterde boldy. Órt segizinshi jáne toǵyzynshy qabattardaǵy eki páterden shyqqan. Bul qabattardyń arasyndaǵy jabyn opyrylǵan, syrtqy qabyrǵalary joq. 

Órt aýmaǵy 100 sharshy metr. 

Ǵımarat turǵyndarynyń bir bóligi evakýatsııalandy, olar jaqyn jerde qurylǵan ýaqytsha ornalastyrý pýnktine jiberilip jatyr. «Mosgortrans» evakýatsııalanǵan turǵyndardy jylytý úshin eki úlken avtobýs jiberdi. 

- Bul úıde 1,5 jyl buryn órt bolǵan, jáne órttiń shyǵýyna sebep bolǵan turǵyndarmen sot isi áli de jalǵasýda, – dep málimdedi úıdiń bir turǵyny.

Oqıǵa faktisi boıynsha qylmystyq is qozǵaldy.