Máskeýde Qazaqstannan barǵan shashtaraz-stılıst qaıtys boldy
MÁSKEÝ. QazAqparat – Máskeý ortalyǵyndaǵy sulýlyq salondarynyń birinen qazaqstandyq shashtarazdyń denesi tabyldy, dep habarlaıdy «QazAqparat» HAA tilshisi.
Ol – 53 jastaǵy Qazaqstan azamaty, shashtaraz-stılıst.
«Azamattyǵy rastaldy. Konsýl Máskeý polıtsııasymen baılanysta. Іs tekserilip jatyr. Qaıtys bolǵan azamattyń týystarynyń júginýine qaraı qajetti kómek kórsetiledi», - dep málimdedi Qazaqstan Respýblıkasynyń Reseı Federatsııasyndaǵy Elshiligi.
Buǵan deıin «Moskva» qala jańalyqtary agenttigi sulýlyq salonynyń qyzmetkeri dárethanaǵa kirgende, onda 53 jastaǵy er adamnyń denesi jatqanyn kórgenin habarlaǵan bolatyn. Ol salonda shashtaraz-stılıst bolyp jumys istegen. Deneden kúsh qoldaný belgileri tabylǵan joq, aldyn ala derekterge qaraǵanda, stılıstiń júregi talǵan kórinedi.
Avtor: Medet Ahmetov
