Máskeýde qazaqstandyq sportshy aralas jekpe-jekte brazılııalyqty nokaýtqa túsirdi
ASTANA. QazAqparat - Reseı astanasy Máskeý qalasynda aralas jekpe-jekten M-1 Challenge 85 týrnıri ótýde, dep habarlaıdy QazAqparat Sports.kz-ke silteme jasap.
Negizgi aıqastyń birine qazaqstandyq sportshy Arman Áshimov (6-2-1) shyqty. Onyń qarsylasy brazılııalyq Ervanı Rodrıgo Serra Melonıo (16-2) boldy.
Úsh raýndqa sozylǵan eń jeńil salmaqtaǵy jekpe-jekte Áshimov birinshi raýndta qarsylasyn nokaýtqa túsirip, jeńiske jetti.
Osylaısha Arman kásipqoı sportttaǵy jetinshi jeńisine qol jetkizdi. Al, Serra Melonıo úshin bul úshinshi jeńilisi.
