Máskeýde qazaqstandyq karateshiler 4 medal jeńip aldy
NUR-SULTAN. QazAqparat – Máskeýde karateden Karate 1 Premer-lıga jarysy aıaqtaldy. Qazaqstandyq karateshiler bir kúmis jáne úsh qola júlde jeńip aldy, dep habarlaıdy Olympic.kz.
Fınaldyq kezeńde qazaqstandyq Ermek Aınazarov bes dúrkin álem chempıony, álem reıtınginde úshinshi orynda turǵan ázerbaıjandyq Rafael Agaevpen kezdesti. Ókinishke qaraı, otandasymyz Ermek qarsylasyna 1:0 esebimen ese jiberip, jarystyń kúmis júldesine ıe boldy. 60 kelige deıingi salmaqta qola júlde úshin qos qazaqstandyq sportshy birge shyqty. Darhan Asadilov pen Dáýlet Shymyrbekov arasyndaǵy kezdesý Dáýlettiń enshisine sheshildi.
Sondaı-aq, 67 kelige deıingi salmaqta Dıdar Ámiralı grýzııalyq qarsylasyn 8:0 esebimen jeńip, qolaǵa qol jetkizdi. Áıelder quramasynan 68 keliden joǵary salmaqta synǵa túsken Sofıa Berýltseva túrkııalyq Hokalgý Meltemdi 7:4 esebimen jeńip, el qorjynyna úshinshi qola júldeni saldy.