Máskeýde «Qazaqstan» pavılonynyń tarıhı bólimi ashylady
MÁSKEÝ. QazAqparat - 29 maýsym kúni Máskeýde Astananyń 20 jyldyǵyn merekeleý aıasynda tolyq jańartýdan ótken «Qazaqstan» pavılonynyń tarıhı bólimi ashylady. Bul týraly Qazaqstan Respýblıkasynyń Reseı Federatsııasyndaǵy Elshiliginiń baspasóz qyzmetinen málim etti, dep habarlaıdy QazAqparattyń menshikti tilshisi.
Atalmysh keshendi qaıta jóndeý jumystary QR Prezıdenti Nursultan Nazarbaevtyń tapsyrmasymen júrgizildi.
Qazirgi tańda «Qazaqstan» pavılonynda buryn-sońdy bolmaǵan ózgerister jasalýda. Qaıta qalpyna keltirý jáne mýzeılendirý protsesi Qazaqstan Úkimetiniń, tikeleı Premer-Mınıstrdiń birinshi orynbasary Asqar Mamınniń baqylaýynda boldy. Al qurylys jumystary Reseıdegi Qazaqstan Elshiliginiń qolǵabys etýimen júrgizildi.
Aıta ketý kerek, joba bıýdjetten tys qarajat esebinen iske asyrylýda. Qarjyny qazaqstandyq kompanııalar bólgen.
Qazaqstandyq pavılon Ulttyq sharýashylyq jetistikteri kórmesindegi eń ásem ǵımarattardyń biri bolatyny kútilýde. Bul Qazaqstanǵa týrısterdi tartýǵa jáne ulttyq mádenı muralardy nasıhattaýǵa arnalǵan erekshe oryn bolmaq.
