Máskeýde Qazaq mádenıeti kúni ótedi
ASTANA. QazAqparat - Erteń, 14 sáýirde Pıonerler saraıynyń Úlken kontsert zalynda "Moı dom - Moskva" atty máskeýlik balalardyń ulttyq mádenıet festıvaliniń aıasynda Qazaq mádenıeti kúni ótedi. Bul týraly QazAqparat Reseıdegi Qazaqstan elshiliginiń saıtyna silteme jasap habarlaıdy.
Sharany Máskeý qalasynyń ulttyq saıasat jáne óńiraralyq baılanys departamenti, Máskeý qalasynyń bilim departamenti, máskeýlik "Qazaq dıasporasy" qory men "Etnogarmonııa" etnomádenı bastamalardy qoldaý qory Qazaq etnomádenıetin damytý men saqtaý jónindegi kommertsııalyq emes uıym odaǵynyń qoldaýymen uıymdastyryp otyr.
Merekeni daıyndaý jumystaryna máskeýlik joǵary oqý oryndarynda bilim alyp júrgen qazaqstandyq stýdentter qatysýda. Merekeniń baǵdarlamasynda halyqtyq sporttyq oıyn-saýyq sharalary men jarystar, balalar sýretteri men ulttyq týyndylar kórmesi, halyq qolóneri boıynsha sheberlik sabaqtaryn ótkizý josparlanǵan.
Mereke kontserttik sharaǵa ulasady. Onda qazaqstandyq jáne Máskeý qalasynyń kórkemónerpazdar ujymdary óner kórsetip, túrli qoıylymdar qoıady.
