Máskeýde qazaq qyzdarynyń sulýlyq baıqaýy ótti
ASTANA. QazAqparat - Máskeýde jyl saıyn uıymdastyrylatyn «Máskeý kóktemi-2014» búkilreseılik ulttyq sulýlyq baıqaýynyń fınaly ótti, dep habarlaıdy 24 kz.
Oǵan tek Reseıdiń joǵary oqý oryndarynda oqıtyn qazaqstandyq stýdentter ǵana emes, sonymen birge, Reseıde turatyn qyzdar da qatysty. Baıqaýǵa qatysýshylar Qazaqstan týraly, qazaq halqynyń salt-dástúrinen bilimderin pash etti, oǵan qosa, salaýatty ómir saltyn ustanyp, jaqsy ádetterden ada emestigin dáleldeý kerek bolatyn.
Qorytyndysynda 50 qatysýshynyń ishinde «Máskeý kóktemi» tıtýlyna Almaty qalasynan kelgen stýdent Móldir Júsipova ıe boldy. «Bárimiz osyndaı baıqaýlardy kórdik. Sulýlyqtyń álemdi qutqaratynyn bári jaqsy biledi. Ómirde mańyzdy úsh nárse bar: sulýlyq, mahabbat jáne mýzyka. Olar bizdiń ómirimizdi tamasha ete túsedi», - dedi «A-Stýdıo» tobynyń jetekshisi, qazylar alqasynyń múshesi Baıǵalı Serkebaev.
