Máskeýde qazaq ánderiniń baıqaýy ótedi

2 qarasha kúni bastalatyn saıys 3 irikteý kezeńinen turady. Birinshi kastıngte ár oryndaýshy 2 án oryndaýy kerek. Olardyń biri qazaq tilinde bolýy - basty shart. Alǵashqy eki irikteý kezeńiniń nátıjesi boıynsha anyqtalǵan 12 úzdik oryndaýshy 16 qarasha kúni bolatyn fınalda óz ónerlerin qaıta kórsetip, bas júldege talasady. Nátıjeler ádil qazylar baǵasy boıynsha anyqtalady. Aıta ketsek, qazylar quramyna tanymal adamdar kiredi dep josparlanýda. Saıys qazaqstandyq jáne reseılik estrada juldyzdarynyń qatysýymen ótetin gala-kontsertpen aıaqtalady, dep jazady massaget.kz portaly.

Uıymdastyrýshylar bul baıqaý júzdegen daryndy jas oryndaýshyǵa óner jolyn bastaýǵa múmkindik bere alatyndyǵyn aıtty. Sonymen qatar, basqa elde ótip jatqan qazaq tilin dáripteıtin baıqaý Reseıde turyp jatqan qandastarymyzǵa óz tili men Otanyna degen mahabbaty men qurmetin bildirýge baǵyttalǵan. Saıystyń basty maqsaty - daryndy jastardy anyqtaý ári olardy óner ortasyna ákelý.

Án saıysy Máskeýdegi qazaq stýdentteriniń "Atameken" uıymy men Reseıdegi Qazaqstan elshiliginiń kómegimen uıymdastyrylyp otyr.