Máskeýde qazaq aqyny І. Jansúgirovtiń 120 jyldyǵyna arnalǵan shyǵarmashylyq kesh ótti (FOTO)
Bul sharaǵa aqynnyń týystary, aqyndar, jazýshylar, ǵalymdar men stýdentter jınaldy. Qonaqtarǵa fotolar, aqyn muraǵatynyń materıaldary usynyldy. Óleńderi men poemalarynan úzindiler oqyldy. Sondaı-aq, kórermenderge І.Jansúgirovtiń «Qulager» poemasynyń jelisimen túsirilgen Bolat Mansurovtyń «Trızna» kórkem fılmi kórsetildi. Bul shyǵarma Keńes odaǵy kezinde 15 jyl kórsetilmegen edi.
Іlııas Jansúgirov qazaq ádebıetiniń kórnekti ókili. Ol barlyq janrlarynda qalam tartyp, eleýli týyndylar bergen ámbebap daryn. Ásirese, óziniń asa qýatty sýretkerlik talantyn poezııa janrynda kórsetip, kúlli qazaq ádebıetiniń maqtanyshyna aınalǵan týyndylar berdi.
Alǵashqy jınaǵy 1928 jyly 34 jasynda jaryq kórgen Іlııas 5-6 jyldyń ishinde qatarynan aryndap alǵa ozyp, Abaıdan keıingi dáýirdiń asa kórnekti aqynyna aınaldy. Prozalyq, dramatýrgııalyq talantty kesek týyndylaryn aıtpaǵanda, "Kúı", "Kúıshi", "Qulager" sııaqty klassıkalyq shyǵarmalar týdyrdy.
Ol A.S.Pýshkınniń, M.ıÝ.Lermontovtyń, N.A Nekrasovtyń, M.Gorkııdiń, G.Geıne men V.Gıýgonyń, Ǵ.Toqaıdyń, K.Lahýtıdiń shyǵarmalaryn qazaq tiline aýdardy.
«Іlııas Jansúgirovtyń 120 jyldyǵyn mádenıet pen ádebıet óte damyǵan Máskeýde toılaý, meniń pikirimshe úlken jetistik»,-deıdi Reseı Halyqtar dostyǵy ýnıversıtetiniń magıstranty Aıagúl Mantaı.
Aıta ketken jón, bul keshti Máskeý aımaqtyq qazaq ulttyq-mádenı avtonomııasy Keńesi, Máskeý «Qazaq dıasporasy» qory, Máskeý «Murager» qazaq mádenıeti qoǵamy, Máskeý ulttar úıi uıymdastyrdy.