Máskeýde qasıetti Quran kitabyn órtep, ǵalamtorǵa salǵan kúdikti qolǵa tústi
ASTANA. 15 qańtar. QazAqparat - Máskeý polıtsııasy Tver oblysynyń 23 jastaǵy turǵynyn Quran kitabyn órteý jáne metroda bir azamatqa shabýyl jasaý kúdigimen ustady. Bul týraly Reseı BAQ-tary RF ІІM Máskeý boıynsha Bas basqarmasynyń baspasóz qyzmetine silteme jasap habarlady.
«Quran kitabyn órteý sátin beınetaspaǵa jazyp, ǵalamtorda taratý jáne metroda azamatqa dene jaraqatyn salý faktisi boıynsha qozǵalǵan qylmystyq is aıasynda polıtsııa qyzmetkerleri kúdiktini anyqtap, tergedi. Sondaı-aq birqatar tintý sharalaryn júrgizdi», - delingen habarlamada.
BAQ taratqan aqparattarǵa qaraǵanda, 23 jastaǵy kúdikti buǵan deıin de urlyq ári qaraqshylyq shabýyl jasaǵany úshin sottalǵan. Qazirgi ýaqytta ol 48 saǵatqa qamaýǵa alyndy. Ony tutqyndaý máselesi sheshilýde. Esterińizge sala keteıik, ǵalamtorda belgisiz jastardyń Quran kitabyn órtep, bylapyt sózder aıtqan vıdeosy jarııa etilgen-di. Olar qasıetti kitapty órtegennen keıin metroǵa kirip, onda slavıandyq emes azamattan Alladan bezinýdi talap etken edi.
Osydan keıin Reseı ІІM Máskeý boıynsha bas basqarmasynyń bastyǵy, polıtsııa general-leıtenanty Anatolıı ıAkýnınniń buıryǵymen arnaıy top qurylyp, olarǵa qysqa merzim ishinde Quran kitabyn órteý sátin túsirip, beınetaspasyn ǵalamtorǵa salý aktsııasyn uıymdastyrýshylardy anyqtap, ustaý tapsyrylǵan bolatyn.
