Máskeýde qarýly qylmyskerlerdiń ekskavatordy aıdap áketpek bolǵan áreketinen túk shyqpady
ASTANA. QazAqparat - Máskeýde qarýly qylmyskerler toby ekskavator júrgizýshisine shabýyl jasap, qurylys tehnıkasyn aıdap áketti. Alaıda onyń jyldamdyǵynyń tómendiginen qylmyskerler alysqa uzap kete almady, dep habarlaıdy qala polıtsııasyna silteme jasaǵan RIA Novostı.
Oqıǵa Kıev kúre jolynda oryn alǵan. Júrgizýshi qurylys nysanyna bara jatqanda, jolyn qylmyskerler bógedi. Úsh qaskúnem er adamdy qarýmen qorqytyp, baılap tastap, soqqyǵa jyqty. Alaıda kólikke mingen olar ekskavatordyń qozǵalys jyldamdyǵy qylmystyń izin jasyrýǵa kómektespeıtinin esepke almady.
Quqyq qorǵaý organdarynyń qyzmetkerleri Penza, Máskeý jáne Moldova respýblıkasynyń turǵyndaryn ustap, elektroshoker men gaz tapanshasyn tárkiledi. Olarǵa qatysty qaraqshylyq shabýyl faktisimen qylmystyq qozǵalǵan.
