Máskeýde qarttar úıi órtenip, tórt adam mert boldy
MÁSKEÝ. TASS – QazAqparat – Máskeýde qarttar úıinde bolǵan órt saldarynan qaza tapqandar sany tórt adamǵa jetti. Tilsiz jaýdan zardap shekken eki adam aýrýhanada kóz jumdy. Bul týraly QazAqparat TASS agenttigine siltemese jasap habarlaıdy.
Agenttiktiń habarlaýynsha, 3-shi Mıakının kóshesindegi qarttar úıi ǵımaratyndaǵy órt sársenbi kúni keshke bastaldy. Órttiń kúrdeliligi úshinshi dárejeli dep baǵalandy.
Máskeýdiń batysyndaǵy qarttar úıindegi órt bastalmas buryn qazandyqta maqta bolǵan. Onyń jalpy aýdany – 300 sharshy metr. Bul týraly jýrnalısterge vıtse-mer Petr Bırıýkov habarlady, dep jazady TASS.
Órt shyqqan kezde ǵımaratta 65 adam bolǵan, olardyń kópshiligi qutqarylǵan. 10-nan astam adam jaraqat aldy.
«Zardap shekken eki adam aýrýhanada kóz jumdy. Osylaısha, qaza bolǵandardyń sany tórtke deıin ósti», - deıdi agenttiktiń derekkózi.
Máskeý boıynsha TJM MM Órt sóndirý qyzmeti basshysynyń orynbasary Maksım Lataev órt sóndirýshiler adamdardy janyp jatqan úıden alyp shyqqanyn habarlady.
Onyń aıtýynsha, birinshi órt-qutqarý bólimshesi kelgen kezde birinshiden tórtinshi qabatqa deıin óte qatty tútin shyqqan. «Tútin sozylǵan araqashyqtyqta eshteńe kórinbegen. Qozǵala almaıtyn kóptegen adam kómek suraǵan. Barlyq kúsh olardy qutqarýǵa jiberildi»,- dep atap ótti ol.
Adamdardy qutqarý úshin «Fenıks» (tynys alý organdaryn qorǵaýǵa arnalǵan) jáne qutqarý qalpaqshalary da qoldanylǵan. Sonymen qatar, «Úshinshi jas» qarttar úıiniń qutqarylǵan qyzmetkerleri qalalyq áleýmettik qorǵaý mekemelerine ornalasa alady, máskeýlik bılik jaǵdaıdy baqylaýda ustaıdy. Bul týraly jýrnalısterge beısenbi kúni Máskeý meriniń áleýmettik damý máseleleri boıynsha orynbasary Anastasııa Rakova habarlady.
«Tilsiz jaýdan zardap shekkenderdiń barlyǵyna qalalyq áleýmettik qorǵaý mekemelerine ornalastyrý usynyldy. Árqaısyna qajet bolǵan jaǵdaıda psıhologııalyq nemese medıtsınalyq kómek kórsetiledi. Biz jaǵdaıdy baqylaýda ustaımyz», - dep atap ótti vıtse-mer.
