Máskeýde qardyń tolassyz jaýýy saldarynan 130-dan astam áýe reısi toqtatyldy
ASTANA. QazAqparat - Máskeý áýejaılarynda qardyń tolassyz jaýýy saldarynan 130-dan astam áýe reısi toqtatylyp, taǵy 30-y keıinge qaldyryldy.
Aerodromdy qardan tazalaý jumystary árbir 25 mınýt saıyn júrgizilýde, dep habarlaıdy Bı-bı-sı. Qar tazalaý tehnıkasynyń jumysy kezinde ushaqtar kútý rejıminde turady. Eń kóbi - 105 reıs Domodedovo áýejaıynda toqtatyldy.
Máskeýdegi qalyń qardyń túsýinen týyndaǵan keptelister de shegine jetti. «ıAndeks. Keptelister» servısiniń málimetterinshe, joldardyń túske deıingi keptelisi bıylǵy jyly birinshi ret eń kóp kórsetkishi - 10 balǵa deıin jetken.
Sınoptıkterdiń boljamynsha, beısenbi kúni qaladaǵy qar jamylǵysynyń bıiktigi toqtamaı jaýyp turǵan qar saldarynan 20 santımetrge jetýi múmkin.
Qutqarýshylar Máskeýde qardyń túsýi men burqasyn saldarynan aǵashtar qulap, elektr tasymaldaý jelileriniń úzilýi múmkin ekenin eskertedi.
