Máskeýde qabyrǵasynyń qulaýyna baılanysty Munaraly meshit buzyldy
ASTANA. 12 qyrkúıek. QazAqparat - Máskeýde qabyrǵasynyń qulaýyna baılanysty Munaraly meshittiń tarıhı ǵımaraty buzyldy.
«Rossııskaıa Gazeta» Reseı Mýftıler keńesiniń baspasóz qyzmetine silteme jasap habarlaǵandaı, zaqymdanǵan meshittiń eski ǵımaraty 1904 jyly salynǵan, endi ol kelýshiler men tóńiregindegi úılerdiń turǵyndary zardap shekpeý úshin buzylyp otyr.
Basylymnyń deregine qaraǵanda, 10 qyrkúıekke qaraǵan túni jańbyrdan eski ǵımarattyń batys jaq qabyrǵasy opyryla qulaǵan: qabyrǵanyń bir bóligi ishke qaraı, jartysy irgeles aýmaqqa qulap túsipti. Senbi kúni tańerteń qaýip tóndiretindikten, qalǵan úsh qabyrǵany dereý qulatý týraly sheshim qabyldandy. Úıindilerdi tazalaǵannan keıin, jańa meshit kesheninde tarıhı jádigerdi qaıta jasaý jumystary bastalady dep boljanýda.
