Máskeýde ıslam óneriniń kórmesi ashyldy
ASTANA. 22 aqpan. QazAqparat - «Mardjanı» qory A.S.Pýshkın atyndaǵy beıneleý óneriniń memlekettik murajaıymen birigip, IX-XIX ǵasyrlardaǵy ıslam áleminiń klassıkalyq óneriniń kórmesin ashty. «Kórmege 99 jádiger qoıylǵan» dep habarlady muslim.kz saıty «Komsomolskaıa pravda» gazetine silteme jasap..
Bastapqy kezde 100 jádiger qoıylmaqshy bolǵan, alaıda, bir jádigerdiń (er-toqym) naqty qaı ýaqytta jasalǵany týraly derek bolmaǵandyqtan, kórermenderdiń nazaryna usynylmaıtyn boldy.
Keıbir jádigerlerden qaljyń sózderdi kezdestirýge bolady. H ǵasyrǵa tıesili qysh ydystan «Sarańdyq - kedeıliktiń basy» degen jazýdy oqýǵa bolady.
Kóne manýskrıpterge jaryqtyń zııany bolatyny sebepti, kórme ótip jatqan zalda jaryq sóndirilgen.
Kóne jádigerlerdi osy kórmede tamashalap qalmaǵandar, olardy úsh jyl boıy kóre almaıdy. Tehnıkalyq qaýipsizdik erejesine sáıkes jádigerler úsh jyl «tynyǵýy» qajet.
