Máskeýde ІІM ishki ásker barlaýy basshysynyń burynǵy orynbasary ózin-ózi atyp óltirdi
ASTANA. Qazannyń 4-i. QazAqparat -Máskeýde Іshki ister mınıstrligi Іshki ásker bas komıssarıatynyń barlaý basqarmasy bastyǵynyń burynǵy orynbasary general-maıor Valerıı Chervızov ózin-ózi atyp óltirdi.
Bul týraly RF Prokýratýrasynyń janyndaǵy Tergeý komıtetiniń Máskeý qalasy boıynsha tergeý basqarmasynyń resmı ókili Sergeı Marchenko málim etti, dep habarlady RBK agenttigi.
Ázirge tergeýshiler, V.Chervızovtyń búgin, qazannyń 4-i kúni tańerteń Veernaıa kóshesi, 30-shy úıde ornalasqan páterinen shyǵyp, 16-shy qabatqa kóterilip, nagradalyq tapanshasynan óziniń samaıyna oq atqanyn anyqtap otyr. Oqıǵa ornynda eshqandaı hat tabylmaǵan.
V.Chervızov nebári 47 jasta bolǵan. 2002 jyly zeınetke shyqqannan keıin ol Kúzet-quqyqtyq qorǵaý kásiporyndary qaýymdastyǵyn basqaryp kelgen.
